Trajneri i Romës, Jose Mourinho do të shikojë se si një nga ekipet e tij të mëparshme do të eleminohet nga Champions League. Bëhet fjalë për Inter-Porto, dy ekipet me të cilat portugezi ka fituar Champions më përpara.
Inter fitoi ndeshjen e parë dje 1-0 me golin e Lukakut. Mourinho e di se do të “vajtojë” largimin e një prej dy ekipeve pas tre javësh. Për “Sky SPort”, Jose komnetoi përballjen mes tyre. “Ata janë pjesë e hisotrisë dhe jetës sime, për fat të keq një prej tyre do rë lërë kompeticionin”, shprehet Mourinho.
Special One më pas lavdëroi ish lojtarin e tij Esteban Cambiasso, i cili tani punon si komentator dhe analist në Sky Sport. “Ai është një komentator i madh, ai e kupton lojën ashtu siç bënte kur ishte në mes të fushës. Ai komunikon mirë, vishet mirë dhe flet mirë: ai është perfekt për rolin e menaxherit. Ai e menaxhon të fshehi mirë faktin që ka qenë një lojtar i madh i Inter. Një ditë pres që ai të jetë kolegu im, ka potencialin të jetë i tillë”, ka përfunduar Mourinho.
Lexo gjithashtu
