Ballkani siguroi një fitore spektakolare ndaj Llapit në javën e 34 të kampionëtit kosovarë. Fitorja minimale ndaj Llapit dhe barazimi i Dritës me Gjilanin, ka bërë që Ilir Daja të jetë në krye të klasifikimit. Pas fitores ndaj Llapit, skuadra nga Suhareka udhëheq me 2 pikë më shumë se vendi i dytë që mbahet nga Drita.
Pas këtij triumfi Daja ka theksuar se skuadra e tij duhet të qëndrojë e vëmendjshme deri në fudn, pasi janë dhe dy ndeshje vendimtare për titullin kampion.
“Është sakrifica e këtyre djemve që ne edhe dy javë pa u mbyllur kampionati po kryesojmë tabelën. Gjithsesi, duhet të jemi me këmbë në tokë sepse ka edhe dy javë.
Duhet të festojmë në momentin e duhur sepse futbolli nuk mund të parashikohet. Duhet të kënaqemi pak por duhet të jemi serioz që ta mbyllim sezonin me plot sukses. Janë javët e fundit të kampionatit dhe ekipet kanë dëmtime dhe nuk e kanë formën më të mirë.
Punuam fort për të marrë fitoren dhe kishim strategji që të mos i lejojmë hapësira kundërshtarit që ka ekip sulmues dhe mund të godas në çdo moment”, ka theksuar Daja pas ndeshjes.
Lexo gjithashtu
