Juventus mundi të dielën e kaluar Interin në San Siro me rezultatin minimal 0-1. Takimi pati shumë polemika më pas për shkak të golit të Juventus pasi dyshohej për një prekje të topit me dorë nga lojtarët bardhezinjë. Mbi këtë sfidë foli dhe ish-presidenti i Juves Luciano Moggi, i cili pati një thumbim për Lukakun.
“Juve fitoi të dielën duke luajtur kundër askujt”, tha Moggi për “Radio Bianconera”. “Interi luajti me 10 lojtarë, Lukaku mungonte që nga minuta e parë. Ai ishte shumë i ngadaltë dhe i parashikueshëm. Topi me dorë? Duhet të ecim ngadalë aty, nëse VAR nuk sheh asgjë pas 4 minutash, duhet të thërras arbitrin dhe ai duhet të vendosë”.
