Mladen Milinkoviç u shfaq tepër i kënaqur pas fitores bindëse ndaj Korabit. Ai gjithashtu ka folur edhe për çështjen e largimit të tij. Për Supersport ai tha:
"Për ne ishte një ndeshje shumë e rëndësishme, ishte një shans shumë i mirë për t’u rikthyer te fitorja dhe mendoj se ishte një fitore e bukur, që na duhej. Në pjesën e dytë u përmirësuam shumë në aspektin e lojës. Edhe pse dituam 4-0, ende nuk jam i kënaqur.
Ne shohim ndeshjen e radhës, por nuk jam i kënaqur me rastet e shumta që humbëm edhe sot. Jam i kënaqur për sulmuesit, që u zhbllokuan, do ta kenë më të lehtë në ndeshjet e ardhshme. Mendoj se edhe Bengui mund të na ndihmojë në ndeshjet e ardhshme, shënoi një gol të rëndësishëm.
E dija që ishim superiorë dhe dëshiroja një gol të shpejtë, ndaj luajtëm në sulm që në fillim. Nuk patëm fat, duke gabuar një 11-metërsh që në fillim, por pasi shënuam gjithçka u bë më e thjeshtë. Ne shënojmë gjithnjë, por kemi vështirësi pas, nëse kundërshtari na barazon, vuajnë. Është mungesë eksperience, por edhe Korabi nuk ka eksperiencë të madhe, ndaj sot ishim shumë superiorë.
Nuk është e vërtetë që ka pasur lëshim ndaj Flamurtarit, as me fëmijët e mi nuk fal. Edhe për largimin tim, nuk është e vërtetë që dua të iki, kam pasur ofertë në janar dhe kam refuzuar. Unë kam firmosur një kontratë duke kërkuar pavarësi të plotë në vendime, klubi më ka ndihmuar. Shoh gjëra që nuk më pëlqejnë për sa u përket arbitrave, edhe pse nuk dua të flas shumë. Kam kërkuar vetëm asnjëanësi, sepse kur luan me një skuadër cilësore si Flamurtari nuk ia del dot mbanë, nëse arbitri nuk e mban ndeshjen 50-50.”
Lexo gjithashtu
