Mkhitaryan ishte i pafat në sfidën me Lazion në kampionët. Goli i shënuar në pjesën e parë t takimit do të anulohej për pozicion jashtë loje, duke i prish festën.
Për “DAZN” 34-vjeçari theksoi se i vjen keq që u anulua goli, porn ë fund ka rëndësi fitorja dhe ndaj Lazios ishte shumë e rëndësishme. Ndër të tjera Mkhitaryan u shpresh se do të bëjnë maksimumin për të arritur në finalen e Champions League edhe pse përballë kanë Milanin në gjysmëfinalen.
“Më vjen keq për golin e anuluar, jo vetëm për vete, por sepse do të na kishte ndihmuar ta menaxhonim ndryshe ndeshjen dhe të siguronim avantazhin në pjesën e parë. Gjithsesi goli i anuluar na dha edhe më shumë agresivitet.
Ishte një fitore që na duhej dhe që na jep shumë besim. Lacio është një rival shumë i fortë dhe ne treguam që jemi gati të luftojmë deri në minutën e fundit. Jemi të gjithë gati për të ndihmuar skuadrën në çdo moment dhe rëndësi ka që të jemi në formën maksimale për ta bërë këtë.
Kemi edhe dy ndeshje në kampionat, pastaj do të mendojmë për Milanin. Do të jetë e komplikuar mbi të gjitha në aspektin psikologjik, por do të bëjmë çdo gjë për të shkuar në finale”, përfundoi mesfushori zikaltër.
Lexo gjithashtu
