Vllaznia ka zhvilluar seancën e radhës stërvitore në kuadër të përgatitjeve për ndeshjen ndaj Bylisit. Fitorja kundër Laçit ka rritur optimizmin në kampin kuqeblu, të cilët janë gati të japin maksimumin për arritjen e objektivave.
Në një postim të bërë në faqen zyrtare të klubit shkodran, tregohen përgatitjet e ditës së sotme në Shkodër. Ajo që bie në sy është fotografia e Mirel Josës. Trajneri kryeqytetas si rrallëherë shfaqet i qeshur gjatë një seance stërvitore.
“Ekipi i Vllaznisë ka vijuar sot me përgatitjet për ndeshjen e së mërkurës për kampionat ndaj Bylisit. Kuqeblutë kanë zhvilluar seancën e rradhës në fushën sportive "Reshit Rusi", ndërkohë që do të kenë edhe një seancë të fundit ditën e nesërme para nisjes për në Ballsh.
Në rradhët e futbollistëve dhe stafit teknik, vërehet një entuziasëm për të vazhduar serinë e rezultateve pozitive”, thuhej në njoftimin e klubit të Vllaznisë.
Lexo gjithashtu
