Një status në profilin e tij në Facebook, Fatmir Bardhoci, ish-presidenti i Federatës së Taekwondo-s në Shqipëri ka shfryrë ndaj çdo personi që e ka zhgënjyer, ndërsa tashmë prej kohësh ndodhet në SHBA.
Duke falënderuar gjithë bashkëpunëtorët e tij dhe pa dashur të fyejë sipas tij një pjesë të mirë të shoqërisë, "dufi" i tij ka qenë kundër disa ministrave që Bardhoci i quan paçavure, drejtorë institucionesh apo edhe gjyqtarë e gazetarë.
Gjithashtu, përmes statusit të tij, ish-presidenti i Federatës së Taekwondo-s në Shqipëri tregon se ëndrra e tij është bërë tashmë realitet, pasi kompania e ndërtimeve "Profesionistët" www.profiss.co dhe shkolla e arteve marciale "Profesionistët" janë sot në vitin e tyre të dytë dhe po ngrihen dita-ditës në nivel më profesional.
-Statusi i plotë në Facebook nga ish-presidenti i Federatës së Taek-ondo-s:
"Si sot, dy vite me pare, mberrita ne token e "Bekuar", Ne New York!
Erdha si nje Drejtues i nje sporti qe bota e adhuron ndersa nga vendi ku une erdha, e neperkembin dhe e pengojne.
Ne 2009 kur u ktheva nga Gjermania per ne Shqiperi, krijova me shume djerse e mund, biznese qe askush nuk mund ti bente ne nje kohe aq te shkurter 5 vjecare.Perjetova nje zhgenjim total te nje shoqerie e cila per mendimin tim (pa dashur ti fyej nje pjese te mire qe nuk e meritojne te jene pjese e saj) ngjan me shume me nje rend kafshesh ne nje Xhungel te madhe sesa nje civilizim njerezish te epokes se shekullit 21.
Njoha Ministra pacavure, injorante, drejtore ministrish, rryshfetxhinj, njerez te ulte, drejtues dhe drejtuese institucionesh, gjyqtare, prokurore te paskrupullt, police, drejtues digasteresh te sigurise se shtetit, drejtues mediash, relevizionesh, te gjithe se bashku, shiten per 5 leke dhe jo vetem por edhe te brendeshmet i heqin per 5 leke.
Jam krenar qe investova ne sport, disa qindra mijera Euro ne 5 vjet por asnje cent ne xhepat e ketyre maskarenjeve qe po rrjepin shqiptaret e varfer dhe njekohesisht edhe kursimet e emigranteve shqiptare.
Nga 0 ngrita nje Federate te nje shteti qe nuk egzistonte por merrte para nga shteti, sot egziston, dhe ka mbi 2000 sportiste me mbi 20 klube por smarrin pothuajse asnje leke nga shteti.
Gjithsesi, dua ti falenderoj sot te gjithe keta krimba qe mbajne ere ne karriget e tyre qe prodhojne para te pista, per nderin qe me bene, sepse fale atyre une vendosa te largohem "pergjithmone".
Kur erdha ne Amerike, shume njerez mendonin qe do kthehesha por ja qe i zhgenjeva.
Sot, me ju miq dhe te dashur do doja te ndaj kenaqesine e nje bilanci pozitiv te arritjes time per nje kohe rekord, vetem 2 vjecare.
Shume te njohur qe kane ardhur ne Amerike qe 15 apo 20 vjet, dhe akoma nuk kane rregulluar dokumentat qe te levizin te lire, besoj se e kuptojne rendesine e ketij bilanci.
Kompania e ndertimeve "Profesionistet" www.profiss.co dhe shkolla e arteve marciale "Profesionistet" nje enderr e bere realitet tashme, www.martialartsmodern.com, jane sot ne vitin e tyre te dyte dhe po ngrihen dita dites ne nivel me profesional. Qellimi i Green Card u arrit ne nje kohe record.
Kjo fale mikut tim te femijerise avokatit me te suksesshem ne New York, Sokol Braha,(te cilin jua rekomandoj edhe ju per ceshtjet e emigracionit) gjithashtu edhe fale ndihmes se miqve te sportit olimpik te Taekwondo vecanerisht Presidentit te Federates se New Yorkut, Kwang Kim si dhe respektit qe tregoi shteti amerikan per arritjet dhe nivelin tim professional.
Gjithashtu edhe ju te dashur familjare, shoke, miq, nxenes, sportiste, adhurues, dua t'ju falenderoj posacerisht sepse keni kontribuar vecanerisht qe te mos e ndjej shume largesine ndaj familjes dhe atdheut tim te dashur.
Bilancin e ardhshem do ta bej mbas 4 vitesh kur uroj te kem arritur qellimet e mia, si shtetas Amerikan dhe duke e plotesuar ate ne studion time Ligjore.
Deri atehere, uroj qe shqiptaret te jetojne ne paqe dhe te arrijne qellimin shume shekullor te krijimit te nje shteti te perbashket.
Kjo eshte enderra ime me e madhe pas plotesimit te nje familje te shendoshe!", shkruante ish-presidenti i Federatës së Taekwondo-s, Fatmir Bardhoci.
Lexo gjithashtu
