Andriy Shevchenko është një nga lojtarët më të dashur të tifozëve të Milanit. Ish-sulmuesi arriti të fitonte gjithçka me kuqezinjtë duke marrë gjithashtu edhe “Topin e Artë”. Aktualisht Shevchenko është trajner i kombëtares së Ukrainës, ndërsa ka zbuluar dëshirën e tij të madhe në të ardhmen.
“Një ditë dua të kthehem te Milani si trajneri. Milani është gjithmonë në zemrën tim dhe kam një simpati të madhe për tifozët kuqezinj. Të shikojmë çfarë do të ndodhë në të ardhmen, pasi një nga objektivat e mia është që të kthehem në Milano si trajner. Aktualisht mendoj vetëm për Kombëtaren e Ukrinës dhe jam i kënaqur”,u shpreh Shevchenko.
