Para disa javësh, Xavi njoftoi që do të jetë trajner i Barcelonës deri në fund të sezonit aktual. Tekniku spanjoll u shpreh se do të largohet nga katalanasit edhe nëse këta të fundit do ia dalin të fitojnë Champions League.
Largimi i sigurt i Xavit ka bërë që drejtuesit e Barcelonës të vihen në lëvizje për të gjetur zëvendësuesin. Emrat e përfolur janë shumë duke filluar nga Hansi Flick, Jurgen Klopp apo rikthim i Rijkaard. Por presidenti i Barçës, Laporta mesa duket ka shprehur dëshirën për trajnerin e ri.
Ditët e fundit, Barcelona po monitoron Roberto De Zerbin, si trajner të mundshëm për sezonin e ardhshëm. Joan Laporta u ka kërkuar drejtuesve të tjerë që të marrin më shumë info për trajnerin që aktualisht drejton Brighton në Premier League.
Tekniku 44-vjeçar është në kontratë me Brighton deri në qershor të vitit 2026, por kjo nuk e dal aspak Laportën që të ofrojë një shumë të konsiderueshme për të siguruar trajnerin italian, të cilin e sheh si pasuesin perfekt të Xavit. Kujtojmë që De Zerbi është opsion edhe për Milanin, në rast se këta të fundin shkarkojnë Piolin në fund të sezonit.
Lexo gjithashtu
