Milan është i kënaqur me paraqitjet e Mike Maignan. Kuqëezinjtë po mendojnë të rinovojnë kontratën me gardianin e portës, pasi dëshirojnë ta “blindojnë” edhe për disa sezone.
Aktualisht Maignan ka kontratë të vlefshme deri në vitin 2026, megjithatë sipas mediave italiane francezi pritet të firmosë me kuqezinjtë. Gjithsesi duket se lojtari për të rinovuar ka pretendime të larta financiare.
Maignan kërkon minimumi 8 milionë euro në sezon, një shumë që fiton Leao dhe është pikërisht portugezi që ka vendosur “tavanin” e pagave të kuqezinjtë. Drejtuesit nuk dëshirojnë të kenë të tjerë lojtarë me paga të tilla dhe mbetet të shihet se çfarë do të vendosin palët.
Poll
Lexo gjithashtu
