Është një fillim i zjarrtë për Interin dhe Milanin në Serinë A. Klubet milaneze kanë marrë 3 fitore nga 3 të luajtura, në një fillim me sprint që nuk ishte parë për më shumë se 50 vjet. Hera e fundit që të dyja skuadrat milaneze kishin këtë start ishte sezoni 1971/72.
Milani i Nereo Rocco mundi Varese, Fiorentina dhe Vicenza ndërsa Interi i Giovanni Invernizzi mundi Atalantën, Catanzaron dhe Veronën. Aspekti më kurioz? Në fund kampionatin e fitoi Juventusi, i drejtuar nga çeku Vycpalek në pankinë pavarësisht një fillimi më të ngadaltë me 2 fitore dhe 1 humbje.
Megjithatë, mbetet histori dhe është ende një rrugë shumë e gjatë deri në përfundim të sezonit. Milani dhe Interi shihen si pretendentë kryesor pas merkatos cilësore, bashkuar këtu edhe kampionët në fuqi të Napolit. Por, një klub si Juventus nuk ka sesi të përjashtohet nga gara.
Lexo gjithashtu
