Trajneri i Torinos, Ivan Juric, ka thënë se Andrea Belotti do të marrë një vendim për të ardhmen e tij gjatë 48 orëve të ardhshme, pasi sezoni i tyre të përfundojë. Është përfolur që sulmuesi i Italisë të largohet nga Torino, që prej sezonit 2016-17, ku ai shënoi 26 gola në Serie A. Megjithatë, ai ka mbetur në Torino që atëherë.
Duke folur në një konferencë për shtyp përpara ndeshjes kundër Romës të premten, Juric tha për Belottin: “Ne nuk dimë asgjë për të ardhmen e tij, përgjigja do të vijë pas ndeshjes. Në javët e fundit ne kemi bërë gjithçka siç duhet, duke propozuar gjëra të mira, tani i takon atij të vendosë. Do të jetë gjatë këtyre dy ditëve të ardhshme, pas së cilës diskutimi mbyllet”, përfundoi Juric.
Belotti ka qenë në Torino që nga viti 2015, kur u bashkua nga Palermo dhe ka shënuar 100 gola në Serie A me këtë fanellë. Dy ekipet e interesuar për Belottin, janë Milan dhe Inter. Dzeko pritet të largohet nga zikaltërit dhe Belotti shihet si zëvendësuesi i duhur. Gjithashtu, edhe te Milani pritet të ketë largime në sulm. Ibrahimovic me shumë gjasa do e mbyllë me futbollin, ndërsa Rebiç dhe Giroud nuk kanë bindur.
Lexo gjithashtu
