Mike Maignan, gardiani i Milanit, ka bërë që largimi i Donnarumma në fillim të sezonit, të mos ndihet aspak. I shndërruar menjëherë në hero për tifozerinë e “Djallit”, Maignan ka bërë një edicion futbollistik të shkëlqyer dhe pas fitores së djeshme kundër Atalanta, ka fituar edhe vlerësimin e madh.
Portieri francez është fituesi i “Dorëzës së Artë”, pasi ka mbajtur rrjetën e tij plot 16 herë të paprekur. Edhe pse portierët e tjerë kanë edhe një ndeshje, nuk arrijnë dot të kapin Maignan në krye dhe ky çmim i takon vetëm gardianit francez.
Maignan u transferua te Milani nga kampionët e Francës, Lille. Përveç pritjeve të tij të shkëlqyera, francezi ka treguar edhe një lojë shumë të mirë me këmbë, duke dhënë edhe asist gjatë këtij sezoni. Një portier fantastik dhe një çmim mëse i merituar.
🧤 After today's win, Mike Maignan has secured the Serie A Golden Glove!
— Italian Football TV (@IFTVofficial) May 15, 2022
What a keeper, safe to say Milan fans haven't missed Gigio one bit 👌 pic.twitter.com/QDYLNf5q8m
Lexo gjithashtu
