Abaz Karakaçi ka folur për situatën në të cilën gjendet Vllaznia. Mesfushori i njohur është i ftuar në emisionin "Rubrika Sportive" në TVSH.
Ai tregoi se investimet në këtë klub janë të shumta, por gabimet janë në merkato. Sipas tij, lojtarët e huaj janë problem te kuqeblutë pasi nuk japin maksimumin, nuk e ndjejnë fanelën.
"Vllaznia ka gabuar në merkato. Lojtarët nuk luftojnë për topin e dytë. Ne kemi luajtur kundër tyre dhe e kemi marrë topin lehtë. Mua më vjen keq për Vllazninë. Unë jam shkodran vetë dhe do doja të shihja kampionë vit për vit.
Kur je shkodran, presioni është më i madh. Lojtarët e huaj duhet të kuptojnë që kanë veshur një fanelë të rëndë. Është një investim shumë i madh dhe çdo vit ndodh e njëjta gjë", tha ai.
Poll
Lexo gjithashtu
