Ditën e sotme në stadiumin "Flamurtari" është zhvilluar ndeshja midis Flamurtarit dhe Laçit, e cila përfundoi me rezultatin 3-3. Ekipi vlonjat ka mundur të marri pikën e parë në këtë kampionat, por problemet e mëdha të klubit janë të dukshme. Ndeshja e sotme në Vlorë i surprizoi të gjithë pasi administratori i klubit Flamurtari, Sinan Idrizi, vetëm pak para ndeshjes vendoi të mbyllë dyert e stadiumit pasi nuk kishte siguruar numrin e stjuartëve për ndeshjen ndaj Laçit. Ish trajneri i Flamurtarit, Eqerem Memushi ka folur në emsionin sportiv Dribbling, për gjëndjen e klubit vlonjat.
Nëpërmjet komunikimit telefonik, Memushi deklaroi në studio:
Problemet tek Flamurtari dhe ndeshja pa tifozë:
"Tani se duket sikur janë vetëm dy veta në Vlorë që flasin pasi të pronocuar vetëm unë dhe Sokol Kushta jemi deri tani ,por ka dhe të tjerë që mendojmë si ne, sjemi vetëm ne.Unë mendoj se duhet të dalim në mënyrë direkte bashkia dhe administratori ça plani kanë për klubin. Numri i policëve të sigurisë është një rregull për të gjitha ekipet, ndeshjet nuk luhen vetëm në Vlorë, të gjithë e kanë këtë përgjegjësi dhe nëqoftëse është rregull për ekipet e tjera për punën e stjuartëve atëherë nuk kemi ça themi. Federata me të drejtë i kërkon disa garanci sepse nuk është normale që të luaj Tirana në kryeqytet dhe në mes të ndeshjes të ndërpriten ndeshjet. Nuk duhet tia hedhim gjithmonë fajin Federatës. Federata është organizatorja e kampionatit nuk merret me ekipet dhe problemet e tyre. Nuk duhet të fajsojmë federatën gjithmonë. Problemi s'janë shkurret zotëri! Problemi po adresohet tek pushteti lokal por kjo duhet të shkoj lartë, në pushtetin qëndron sepse është e pa pranueshme për këtë ekip dhe këtë qytet kjo gjëndje", tha Eqerem Memushi.
Si funksionojnë postet drejtuese tek klubi i Flamurtarit. Bashkia me drejtuesit e klubit çfarë marrëdhënie kanë?
"Unë e kam thënë që këtu nuk funksionon lidhja, por kjo lidhje nuk ekziston as në anën ligjore. Bashkia e Vlorës I ka lënë terren administratorit. Tani Idrizi që është administrator se nuk është president, ka thënë: "Se unë jam 100% tek ekipi dhe i bëj unë zgjedhjet". Duhet të bëjmë transparente sesi i kanë gjërat këto dy komponent dhe ku ka ngecur çështja", përfundoi Memushi.
Lexo gjithashtu
