Dinamo do të presë Korabin ditën e sotme në orën 15:00 në Selman Stërmasi për të zhvilluar ndeshjen e javës së 21-të të Kategorisë së Parë. Kjo është ndeshja e vetme e ditës së sotme në futbollin shqiptar dhe të gjithë sytë janë te dy skuadrat.
Si Dinamo edhe Korabi vijnë nga një formë jo e mirë ku në 5 ndeshjet e fundit numërojnë vetëm 6 pikë nga 15 të mundshme dhe sot i vetmi objektiv është fitorja.
Tre pikë do ta rikthenin Dinamon në vendin e dytë më 40 pikë, 2 më shumë se Flamurtari dhe 1 më pak se Skënderbeu. Dibranët, fitorja i mban sërish në vendin e katërt me 35 pikë por në pozita shumë herë më komode ku do të shkonin plot 5 pikë larg Tomorit të vendit të pestë.
Ekipet kanë publikuar formacionet zyrtare:
Dinamo (4-4-2): Crosta; Vokrri, Imami, Dickson, Prodani; Bardhi, Daja, Mija, Karamba; Denisson, T. Marku. Trajner: Dritan Mehmeti
Korabi (4-3-3): Qyrani, V. Lila, Kasalla, Lala, Selmani, Tabaku, S. Mziu, Joti, Dragoj, Keko, Beshiraj. Trajner: Shpendi Kumbarçe
Gjyqtar: Enea Jorgji
Lexo gjithashtu
