Ndeshja e shtyrë mes Kosovës dhe Izraelit siç dihet tashmë është vendosur të luhet më 12 nëntor në stadiumin “Fadil Vokrri” duke nisur që nga ora 20:45. Ky duel është i vlefshëm për kualifikueset e Euro 2024.
Për këtë sfidë ditët e fundit është folur gjatë, teksa thuhej se për shkak të sigurisë mund të zhvillohet pa tifozë. Por tashmë ka ardhur edhe vendimi sa i takon prezencës së tifozëve në stadium.
Për “KosovaPress” ka folur Agim Ademi. Presidenti i Federatës së Futbollit të Kosovës ka theksuar se kjo ndeshje do të luhet me tifozë, pasi tashmë janë vlerësuar situatat e sigurisë.
“Ndeshja mes Kosovës dhe Izraelit do të zhvillohet me praninë e tifozëve”, ka thënë Ademi.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
