"Kur ke Chiellinin në fushë, është njësoj sikur të hysh në kafazin e një gorille dhe të tentosh t'i marrësh atij ushqimin", kanë qenë fjalët e ish-sulmuesit të Juventusit, Alvaro Morata. Giorgio Chiellini është një nga më të mirët sot për sot në repartin e mbrojtjes. Së bashku me Bonuçindhe Barzalin, bënin treshen ideale.
Largimi i Leonardo Bonuçit krijoi boshlliqe në mbrojtjen e Juventusit, gjë e cila së fundmi është rregulluar me afrimin e Ruganit, Benantias.
Diçka e veçantë ka patur të bëjë me faktin se Chiellini në një intervistë dhënë për mediat italiane, ka konfirmuar se në fushë ai jep 200 për qind. "King Kongu", siç quhet ndryshe Chiellini, ka menduar të bëjë dhe pak humor, duke thënë se mund të jetë një ndër futbollistët më të shëmtuar, por kurrë nuk heq dorë nga kundërshtari edhe nëse ai gjakoset, siç ka ndodhur shpesh herë.
"Unë, një forcë e natyrës? Ajo që mund të them, është se, nëse ekziston mundësia për të shënuar një gol, apo akoma më shumë për ta shmangur, unë nuk e tërheq kurrë këmbën prapa, madje, asnjë pjesë të trupit tim, prandaj i mbyll ndeshjet shpesh i fashuar, në kokë. Madje, nëse doni të dini, në fushë kam thyer katër herë hundën, por asnjëherë nuk kam pranuar të braktis lojën. Kur më sheh mua në fushë, është e lehtë që të thuash se jam lojtari më i shëmtuar. Teknikë dhe elegancë zero, por muskuj kam plot dhe gjithë këtë dhunti mundohem që ta vë në fushë, për të ndihmuar Juventusin dhe Italinë. Unë nuk di të tërhiqem pas, por, edhe pse kam shumë limite, mundohem që të përshtatem, në varësi të situatës. Kjo është forca dhe sekreti im si futbollist", është shprehur Giorgio Chiellini në intervistën e dhënë.
[gallery columns="1" size="full" ids="202419,202420"]
Lexo gjithashtu
