Ditën e sotme nuk do të zbresë në fushë vetëm skuadra e Partizanit. Edhe Ballkani i Ilir Dajës dhe Struga e Shpëtim Duros do të marrin vëmendjen.
Kampionët e Maqedonisë së Veriut do të jenë të parët që do të luajnë ndeshjen e tyre, teksa në orën 17:00 do të presin në “Trening Centar Petar Miloševski” ekipin e Hesperange. Struga do të tentojë fitoren ndaj ekipit nga Luksenburgu për të vazhduar rrugëtimin e tyre në këtë kompeticion.
Të njëjtën gjë do të tentojë edhe Ballkani i Ilir Dajës. Kampionët e Kosovës do të zbresin në fushë në orën 20:45, teksa në “Fadil Vokrri” do të presin Lincoln Red Imps. Të besuarit e Dajës synojnë sërish grupet e këtij kompeticioni dhe për të bërë diçka të tillë gjithçka kalon nga “Fadil Vokrri”.
Kujtojmë se Partizani do të luajë ndaj Valmieras në orën 19:00 në Riga në stadiumin “Skonto” të Letonisë.
Lexo gjithashtu
