Kylian Mbappe është një nga futbollistët më të komentuar kohët e fundit. Sulmuesi francez është në qendër të mediave për shkak të të ardhmes së tij.
Siç dihet tashmë, Mbappe do të largohet nga PSG-ja në fund të këtij sezonit dhe tashmë pritet që të kalojë te Real Madrid. Por pavarësisht kësaj, 25-vjeçari në deklaratat e tij mundohet gjithmonë ta fsheh diçka të tillë.
Së fundmi nga grumbullimi i Francës, ka theksuar se ai asnjëherë nuk ka dhënë deklarata rreth klubit të ardhshëm. Ndërkohë momentalisht është i fokusuar te Franca dhe PSG-ja.
“Nuk kam asnjë deklaratë rreth së ardhmes, më vjen keq t’ju zhgënjej. Besoj se gjithçka do të vendoset para Europianit. Nuk është se nuk dua ta zbuloj, por nuk kam ende asgjë konkrete. Në momentin që do të kem diçka konkrete do ta zbuloj publikisht. Tani në këtë pikë të sezonit nuk dua të shpërqëndrohem, ajo që vlen më shumë është arritja e objektivave me Parisin”, u shpreh 25-vjeçari
Lexo gjithashtu
