Mbrëmjen e djeshme, në një supermarket të periferi të Milanos, një person ka sulmuar me thikë gjashtë persona, ku një prej tyre fatkeqësisht humbi jetën.
Mes të plagosurve ishte edhe futbollisti i Arsenal që është i huazuar te Monza në Serie A, Pablo Mari, i cili fatmirësisht ndodhet në gjendje të mirë shëndetësore.
Ndërkohë, mëngjesin e sotëm në mediat italiane po bën bujë lajmi i heroit të kësaj ngjarje i cili ka qenë ish-lojtari i Interit, Massimo Tarantino.
Tarantino ka qenë një ndër personat e parë të cilët e ka neutralizuar agresorin duke parandaluar kështu një tragjedi akoma dhe më të madhe.
Në një dekaratë për mediat vendase, Tarantino, ka përshkruar momentet kur agresoi u fut në supermarket dhe filloi të godiste këdo që i dilte para.
“Ai hyri në supermarket dhe filloi të bërtiste dhe të godiste këdo që i dilte para me thikë”, është shprehur Tarantino, duke shtuar më tej se nuk është hero, pasi nuk ka bërë asgjë të veçantë.
Kujtojmë se sulmi ndodhi mbrëmjen e djeshme rreth orës 18.30, në një Milanofiori të Assago, pak jashtë Milanit.
Një person me probleme të shëndetit mendor u fut brenda supermarketit dhe me një thikë në dorë filloi të sulmonte kë i dilte para. Në këtë ngjarje mbetën të plagosur gjashtë persona, ku fatkeqësisht njëri prej tyre, një burrë, arkëtar i supermarketit, ndërroi jetë teksa po transportohej për në spital.
Lexo gjithashtu
