
Milani i ka vënë vetes një objektiv të vështirë për të realizuar në këtë merkato. Kuqezinjve i'u pëlqen mbrojtësi, Merih Demiral i cili u afrua te Juventusi nga Sassuolo. Sikurse raporton "Sky Sport" kjo është një kërkesë specifike e trajnerit Marco Giampaolo që sheh të turku partenerin ideal të Alessio Romagniol-it në qendër të mbrojtjes.
Bardhezinjtë nuk duken kaq të gatshëm për ta humbur talentin e tyre dhe e vlerësojnë atë plot 40 milionë euro për ta lënë të lirë menjëherë. Alternativa më e realizueshme është një huazim me të drejtë blerje nga ana kuqezinjëve, me "Zonjën e Vjetër" që do e ruante mundësinë për ta afruar sërish në skuadër 20-vjeçarin. Kujtojmë se Demiral vitin e kaluar bëri një sezon shumë të mirë në Serie A ku aktivizua si titullar që vitin e tij të parë në Itali.