Florian Kadriu është futbollisti më i ri i Shkupit. Tetovari rikthehet kështu në kryeqytetin irilidas dhe rivesh sërish fanellën bardheblu, për të cilën luajti edhe gjatë sezonit 2016-2017.
Sulmuesi anësor ishte së fundmi pjesë e Erzenit në dy sezonet e shijakasve në Superiore, ndërsa në të shkuarën numëron paraqitje për skuadra si Tirana, Teuta, Rabotnicki, Renova, Sabail, Struga e Atyrau.
“Rikthehet Florijan Kadriu në skuadrën tonë. Kadriu, i cili ka qenë pjesë e rëndësishme e ekipit tonë gjatë sezonit 2016/17, bashkohet përsëri me ne për të forcuar sulmin. Florijan Kadriu ka luajtur në kampionate të ndryshme dhe për disa ekipe të njohura.
Në vendin tonë, Kadriu ka qenë pjesë e Vëllazërimit, Rabotniçkit, Renovës dhe Strugës. Në Shqipëri luajti te Tirana, Teuta dhe Erzeni. Gjithashtu ka pasur eksperiencë ndërkombëtare me Atyrau në Kazakistan dhe Sabail në Armeni. Mirë se erdhe në ekipin tonë, Kadriu! Forca Shkupi!”- shkruan klubi.
Lexo gjithashtu
