Ditën e sotme janë luajtur të gjashtë ndeshjet e vlefshme për javën e 30-të të kampionatit të futbollit, në Maqedoninë e Veriut. Në këto 6 sfida u shënuan plot 18 gola.
Gostivari fitoi derbin e shqiptarëve përballë Shkupit të Ernest Gjokës. Sfida përfundoi me triumfin e pastër 2-0 të ekipit të Gostivarit.
Në krahun tjetër, Shkëndija e Tetovës ia doli të mposhte Brera Strumicën me rezultatin 3-2. Ndërsa Struga mori një tjetër disfatë, duke u mposhtur në transfertën e Tikves 3-2.
Në ndesshjet e tjera, Vardari fitoi 3-0 përballë Bregalnica Stip, Voska Sport mposhti 2-0 Makedonija GP, ndërsa ndeshja Sileks-Rabotnicki përfundoi 0-1.
Me humbjen e Strugës dhe Shkupit, Shkëndija e Tetovës shkon në kuotën e 58 pikëve, po aq sa dhe dy skuadrat e tjera shqiptare. Por golavarazhi bën që kuqezinjtë nga Tetova të renditet në krye të tabelës së klasifikimit.
Lexo gjithashtu
