Manuel Neuer prej thuajse 1 viti qëndroi jashtë fushave të blerta, pasi u dëmtua në dhejtorin e vitit të kaluar. Tashmë gardiani gjerman është rikthyer në fushë prej disa javësh, por forma e tij nuk është ajo që e karakterizon.
Për shkak edhe të moshës, gardiani i Bayern po mendon edhe pensionimin. Me shumë gjasa 37-vjeçari në fund të sezonit mund të vendosë të “varë këpucët’ në gozhdë. Në të tilla kushte në Bavari nuk rrinë “duar kryq”, pasi kanë nisur punën për gjetjen e një zëvendësuesi.
Në radarin e kampionëve gjerman prej kohësh është portieri i Milan. Mike Maignan pëlqehet nga drejtuesit të cilët do të tentojnë transferimin e tij. Gjithsesi nuk do ta kenë aspak të lehtë, pasi Milan vështirë të heqë dorë kollaj nga lideri i skuadrës. Mbetet të shihet nëse Bayern do t’ia dalë të gjejë gjuhën e përbashkët me italianët për transferimin e Maignan.
Lexo gjithashtu
