Manchester City është kampion i Premier League për këtë sezon. “Qyttetarët” janë shumë afër fitimit të tripletës, pasi tashmë janë edhe në finalen e Champions dhe të Fa Cup.
Kevin De Bruyne është një nga liderit e skuadrës së Pep Guardiolës, i cili ka folur për mediat britanike për suksesin e të tijve.
“Kemi punuar 11 muaj rresht për ta parë këtë. Është një ditë për të festuar me tifozët dhe familjen. Është e mahnitshme.Njerëzit presin që ne të fitojmë shumë, ne punojmë çdo ditë për këtë. Njerëzit sakrifikojnë shumë për ekipin. Është më e vështirë fizikisht sesa mendërisht.
Kam tetë vjet këtu. Kjo është shtëpia ime dhe momentet e mrekullueshme vazhdojnë të vijnë.Thjesht përpiqemi të bëjmë më të mirën që mundemi. Dua të fitoj më shumë dhe të vazhdoj. Kemi edhe dy finale tani për të cilat duhet të përgatitemi”, ka përfunduar belgu.
Lexo gjithashtu
