Lajmit se mbrojtësi i Vllaznisë Renato Malota do të largohet iu është përgjigjur tekniku i kuqebluve Hasan Lika. Në një prononcim për "Shkodra neës", trajneri kryeqytetas veçoi se mbrojtësi do të zbresë të hënën në fushë në seancën e radhës stërvitore. Lika shtoi se Vllaznia mund të zhvillojë një test miqësor me njërin prej ekipeve të Kategorisë Superiore për të testuar gjendjen teknike dhe fizike të skuadrës.
"Shpresojmë të jetë një vit i mbarë. Kemi filluar si të gjithë ekipet e tjera përgatitjet për pjesën e mbetur të sezonit. Mungesat e disa lojtarëve janë bërë në bashkëpunim me ne dhe do të jemi të plotë. Të hënën, Malota del në stërvitje, kështu që interesim mund të ketë nga skuadrat e tjera. Por, lojtarët që janë nën kontratë besoj se do të vazhdojnë me ne deri në fund.
"Po punohet për tu përforcuar, me lojtarë si nga Shqipëria ashtu edhe jashtë. Mundohemi që të përforcohemi në mbrojtje, mesfushë dhe sulm. Përsa i përket planit të stërvitjes, them se për momentin jemi në Shkodër, duke e ndërthurur me ndonjë ndeshje miqësore me ekipe të Superiores", u shpreh Lika.
Vllaznia e nis pjesën e dytë të sezonit në Kategorinë e parë ndaj Erzenit në datën 2 shkurt në fushë e shijakasve . Shkodranët renditen në vendin e parë në grupin A në kushte komode, pasi kanë distancë prej 7 pikësh nga Erzeni.
Lexo gjithashtu
