Mike Maignan është padyshim një nga portierët më të mirë në botë. Gardiani i Milanit shpeshherë ka qenë vendimtar për ekipin, duke kryer pritje shpëtimtare që i kanë dhënë Milanit fitore të rëndësishme.
Por duket se Maignan është më tepër se i dashuruar me fanellën kuqezi. Në ndeshjen që Milani luajti mbrëmjen e djeshme përballë Fiorentinës dhe që fitoi 1-0, Maignan ka qenë në një gjendje jo të mirë shëndetësore. Gardiani i kombëtares franceze është futur në lojë me temperaturë 39.
Stafi teknik dhe Stefano Pioli kanë qenë në dijeni, madje ky i fundit i ka kërkuar portierit që të qëndrojë në stol. Por Maignan jo vetëm që nuk e pranoi diçka të tillë, por luajti në gjendje të vështirë shëndetësore, madje duke ndihmuar Milanin në shumë raste.
Lexo gjithashtu
