Romelu Lukaku kaloi një periudhë të vështirë në karrierën e tij teksa kalimi te Chelsea rezultoi në dështim. Më pas rikthimi te Interi në formë huazimi nuk po shkon si duhet pasi dëmtimet po penalizojnë sulmuesin. Dështimi me Belgjikën në Botëror, i shtohet vuajtjeve të lojtarit këtë sezon.
Mirëpo, Lukaku nuk e mendon të dorëzohet. Objektivi i tij i vetëm është rikthimi në formën më të mirë, ashtu si në sezonin e titullit me zikaltërit. 29-vjeçari i është futur një regjimi strikt stërvitor në një plan të hartuar nga stafi i trajneri Inzaghi.
Tre ditët pushim të dhëna nga Simone Inzaghi për ekipin pas miqësores me Regginan, janë “refuzuar” nga Lukaku i cili do të punojë nga dy seanca në ditë duke filluar që sot për Krishtlindje deri në përballjen me Napolin.
Lexo gjithashtu
