Luis Suarez i ka kushtuar disa fjalë zemre Lionel Messit, pasi ky i fundit arriti të kalonte në finalen e Kupës së Botës, pasi mposhti Kroacinë 3-0. “Pleshti” shënoi golin e parë për të tijtë me anë të një penalltie, ndërsa ishte protagonist në dy golat e tjerë të Julian Alvarez.
“Ti nuk lodhesh kurrë duke treguar se je më i miri në botë. E gjithë bota ndalon për të duartrokitur këtë djalë dhe atë që i ka dhënë futbollit. E pabesueshme miku im”, shkroi në “Instagram” Suarez, i cili ka kaluar gjashtë vite me Messin te Barcelona nga viti 2014 deri te viti 2020.
Argjentina do ta luajë finalen e Kupës së Botës të dielën kundër fituesit të ndeshjes së sotme mes kampionit aktual, Francës dhe Kombëtares së Marokut.
Poll
Lexo gjithashtu
