Dikur luante dhe shkëlqente me Partizanin në fushë, sot është një nga ata ish-futbollistë që të gjithë kanë respekt për të.
Bëhet fjalë për Përparim Daiun, ish-mbrojtësin e kuq i cili është gjithmonë pranë futbollit për të dhënë mendimin e tij. Sot, ka thurur elozhe për Qemal Voglin, portierin kavajas që ka marrë "jehonë" deri në Moskë.
Përmes një postimi në rrjetet sociale, Daiu tregon se si "gardiani" i njohur shkonte të shihte çdo seancë stërvitore, ku pjesëmarrës ishin kavajasit.
"Futbollist, nga më të mëdhenjtë që ka nxjerrë Kavaja. Qemal Vogli, portieri më unik dhe i pakrahasueshëm i kombëtares shqiptare.
Njeri me zemër të madhe që kam pasur fatin ta njoh nga afër sepse në kohën kur luaja për Partizanin, çdo ditë vinte e shihte stërvitjen për vetë faktin që ku kishte kavajas, ai ishte prezent. Me ngrohtësinë që të dhuronte e përkrahjen e madhe në aspektin sportiv, se i tillë ishte Qemali i madh. Kavajas i vërtetë. Respekt pa fund për këtë figurë madhështore", shkruan ai.
Lexo gjithashtu
