Lushnja ka nisur nga puna për rindërtimin e ekipit që do të garojë në sezonin e ri. Këtë vit, drejtuesit kërkojnë të synojnë vendet e sipërme të tabelës pasi sezoni i fundit ishte një katastrofë ku mbijetesa u sigurua vetëm në finalen e Play-Out.
Pas emërimit të trajnerit Gugash Magani, klubi hyri në merkato duke sjellë 4 lojtarë të rinj deri tani. Haremi, Disha, Gega dhe Zisi janë afrimet e para të Lushnjes, të cilëve pritet t’u shtohen edhe dy të tjerë së shpejti.
Ali Samake dhe James Ajinde janë emrat më të fundit në listë. I pari ishte i huazuar nga Dinamo këtë sezon, por ka bindur me paraqitjet e tij dhe do të tentohet rikthimi i mbrojtësit. I dyti luan sulmues dhe është në kontratë me Egnatian deri në 2025-ën. Klubet kanë hyrë në negociata të avancuara dhe së shpejti mund të kemi zyrtarizimin.
Lexo gjithashtu
