Armando Broja e nisi titullar ndeshjen e djeshme të Kupës ndaj Sheffield United. Sulmuesi i Kombëtares nuk arriti të ishte protagonist pasi goli i shënuar iu anullua, ndërsa gaboi edhe nga penalltia.
Pas ndeshjes, trajneri i Southampton, Ralf Hasenhuttl, komentoi paraqitjen e Brojës. Austriaku u shpreh se bomberi kuqezi ka një potencial të madh, por ka ende gjëra që duhet të përmirësohet.
Paraqitja e Brojës? "Nuk ishte aq e lehtë, veçanërisht kundër një ekipi të Championship. Në fillim duhet të punosh shumë në ndeshje, dhe kjo ishte pak problem për të. Nuk është investuar sa duhet, më pas është e vështirë të fluturosh në një lojë si kjo. Kjo është ajo që Broja duhet të mësojë.
Ai ka disa cilësi, por duhet të punojë shumë më tepër për të arritur në pozicionet e duhura. Nëse ndodh kjo, ai është i fortë. Pra, si staf teknik duhet të punojmë me të. Është një lojtar i ri me potencial, por ka ende shumë gjëra për të mësuar".
Lexo gjithashtu
