Hapësire reklamuese

Çështjet kryesore

BOTA

Miratohet formati i Ligës së Kombeve, UEFA jep "dritën jeshile"

Shkruar nga NEWSPORT
Miratohet formati i Ligës së Kombeve, UEFA jep "dritën

UEFA ka ndezur "dritën jeshile" për kompeticionin e saj më të ri, Ligën e Kombeve. Shorti i saj do të hidhet në 24 janar të vitit 2018. Ky kompeticion ishte aprovuar në Kongresin e këtij institucioni dhe u miratua nga të gjitha Federatat që janë pjesë e UEFA-s.

Liga e Kombeve do të nisë në sezonin e ardhshëm dhe do të jetë për Europianin e vitit 2020, që do të luhet në 13 shtete. 55 skuadra do të ndahen në katër grupe në bazë të koeficientit të tyre, të cilat do të jenë në këtë formë: Divizioni A dhe B do të jenë me nga 12 skuadra secila, të ndara në 4 grupe me nga 3 ekipe.

Divizioni C do të ketë 15 përfaqësuese, të ndara në 4 grupe: 3 me 4 skuadra dhe një me 3 skuadra. Ndërsa divizioni D do të ketë 16 ekipe, të ndara në 4 grupe me nga 4 ekipe. Nga faza e parë do të dalin 4 skuadrat fituese të Divizionit A, që në qershor të vitit 2019 do të luajnë fazën e “play off”-it të parë, për të përcaktuar fituesen e Ligës së Kombeve, që do të përfitojë edhe një shpërblim financiar. Faza e parë e Ligës së Kombeve do të luhet në periudhën shtator-nëntor të vitit 2018, raporton tch.

Në muajin mars të 2019-s do të nisë edhe faza kualifikuese për Europianin, që do të jetë i formatit të zakonshëm: 5 grupe do të jenë me nga 5 ekipe, ndërsa 5 grupe të tjerë me nga 6 skuadra, nga ku do të kualifikohen 2 të parat e çdo grupi. Këtyre skuadrave do t’u bashkohen 4 skuadrat që do të luajnë një fazë tjetër “play off”-i në Ligën e Kombeve.

Në këtë rast do të përballen 4 ekipet më të mira të çdo divizioni, që do të ndahen në 4 grupe. Nëse ndonjëra prej tyre është kualifikuar më parë në “Euro 2020”, atëherë stafeta i kalon skuadrës së vendit të dytë.

Tags:

BOTA

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga