Situata e Rafael Leaos me Milanin sa vjen e bëhet më e nxehtë nga dita në ditë. Bisedat për rinovim morën një rrjedhë më të thellë por me pauzën e Kupës së Botës, çdo gjë është lënë pezull. Milanistët po kryqëzojnë gishtat për gjetjen e marrëveshjes por ka nga ata që po iu soset durimi. Ish-mbrojtësi legjendar Costacurta në një intervistë për Tuttosport tregohet radikal bi këtë çështje.
“Situata më duke shumë e qartë, ka një kohë të caktuar dhe Milani ka vendosur limitet me këtë menaxhim. Nëse Leao nuk pranon kushtet e propozuara, ai do të shkojë ku të dojë. Më pëlqen kjo filozofi nëse vendosim të rregullojmë ekonomikisht futbollin italian, duhet t’ja nisim nga këto aspekte.
Nëse Leao luan një Botëror të mirë, unë do ta shisja direkt nëse një skuadër paraqitej me një ofertë të rëndësishme. Maldini dhe Massara kanë treguar se janë të mirë me parat e grumbulluara, ato do të jenë padyshim në gjendje të gjejnë një zëvëndësues të përshtatshëm për të qëndruar në ato nivele.”
Loading ...
