Legjenda e Juventus, Gianluca Pessotto ka folur pas shortit të bardhezinjve në Europa League me Freiburg. Për ish lojtarin e Juves, ekipi gjerman duhet marrë seriozisht dhe nuk duhet nënvlerësuar. Pessotto gjithashtu vlerëson mundësitë e Juventus për të fituar kompeticionin dhe për të qenë në Champions League vitin tjetër.
“Është takimi ynë i parë kundër një ekipi të fortë që po bën mirë, i cili nuk është mundur në fazën e grupeve”, është shprehur Pessotto.
"Freiburg janë një kundërshtar që duhet të merren seriozisht. Juventus këtë vit kanë një mundësi të fitojnë Europa League dhe të luajnë në gjysmëfinalet e Kupës së Italisë. Ne po luftojmë në disa fronte dhe duam të shkojmë deri në fund. E kemi akoma në mendje atë gol të bukur të Di Marias dje. Ai bëri një super performancë dje. Shpresoj që të qëndroj tek ne. Do të jetë e rëndësishme që të përfundojmë sezonin mirë dhe mbase të fitojmë diçka të rëndësishme”, ka përfunduar Pessotto.
Lexo gjithashtu
