Maurizio Sarri është në qendër të vëmendjes në kampionatin italian. Edhe pse në fund të sezonit të shkuar trajneri i njohur rinovoi me Lazion, ai ka kthyer sytë nga drejtuesit ku kërkon siguri nga ata për përforcimin e organikës.
Skuadra e tij ka bërë një sezon të mirë dhe vendi i dytë i çon në Champions League. Megjithatë drejtuesit duhet të lëvizin për të afruar futbollistët që ai dëshiron. Nëse nuk ndodh një gjë e tillë, nuk përjashtohet mundësia e një “divorci” të papritur.
“Il Messaggero” raporton që krahas Milanit, edhe Interi ka hedhur sytë nga trajneri i njohur. Simone Inzaghin do ta shpëtonte vetëm fitimi i Champions League. Pritet të shihet se çdo të ndodhë teksa për Sarrin ka interes edhe nga Anglia, konkretisht nga klubi i Everton. Prioritet i Sarrit mbetet Lazio, por pa shtrëngimin e duarve me Lotiton, nuk përjashtohet mundësia e largimit të tij.
Lexo gjithashtu
