Lautaro Martinez është padyshim një nga lojtarët më në formë në të gjithë botën këtë sezon. Sulmuesi argjentians po shënon rregullisht me fanellën e Interit. Por në një intervistë të dhënë së fundmi, Lautaro tregon për vështirësitë e sezonit të shkuar.
Argjentinasi flet për periudhën e Kupës së Botës dhe gjysmës së dytë të sezonit të shkuar për problemet që kishte në kyçin e këmbës. Ai tregon se iu desh të sakrifikonte duke pirë qetësues, pasi asokohe të dëmtuar tek Interi ishin dhe Lukaku me Correan.
“Kam luajtur muajt e parë në kampionat me një problem në kyçin e këmbës. Nuk doja të ndalesha sepse në atë periudhë u lënduan edhe Lukaku dhe Correa te Inter. Mbeta vetëm unë si sulmues dhe kam luajtur duke marrë pilula deri pak para finales së Champions League, madje edhe në finale mora ilaçe që të mund të luaja”, ka thënë kampioni i Botës me Argjentinën.
Lexo gjithashtu
