Mbrëmjen e djeshme në Paris është mbajtur edhe Ceremonia e “Topit të Artë”, ku siç pritej Lionel Messi e rrëmbeu për herë të 8-të në karrierën e tij. Në këtë mbrëmje gala edhe yjet e tjerë të futbollit nuk munguan.
Lautaro Martinez gjatë parakalimit të tij në tapetin e kuq është pyetur për të ardhmen dhe për interesimin e Real Madrid për të. Me shumë finesë, sulmuesi theksoi se është i fokusuar plotësisht te Interi dhe se dëshiron që të çojë sa më larg këtë klub.
“Ne po flasim për një ekip shumë të rëndësishëm, por mendimet dhe koka ime janë gjithmonë të përqendruara te Interi. Jam shumë i lumtur atje, kam një kontratë dhe familja ime po ecën mirë në Milano. Kjo mbrëmje është e veçantë për mua, falënderoj Interin dhe Kombëtarja e Argjentinës.
“Çfarë shpresoj për vitin 2024? Për ta çuar Interin sa më lart dhe për të luajtur me Argjentinën në mënyrën më të mirë dhe fitimi i titujve, sepse ky është sporti”, theksoi Lautaro shkurtimisht.
Lexo gjithashtu
