Lajmi i fundit/ Tiranës i bashkohen dy titullarë, Josa pret edhe tre të tjerë

Tirana hyn në ditën e 5-të të përgatitjeve në Antalia. Sot, skuadrës së trajnerit Josa i janë bashkuar Ilion Lika dhe Olsi Teqja.

Siç konfirmohet në lajmërimin zyrtar të klubit të Tiranës në Facebook, Merveil dhe Moise do të mbërrijnë në Antalia ditën e nesërme, ndërsa edhe Taku pritet t’i bashkohet ekipit së shpejti.

Një lajm i mirë është edhe përmirësimi i gjendjes shëndetësore së Dorian Kërçikut. Mbrojtësi i djathtë ka lënë pas dëmtimin dhe sot është përgatitur me pjesën tjetër të ekipit.

Ditën e nesërme, Tirana do të përballet në një miqësore me skuadrën e FC Akzhayik.