Klubi i Sopotit ka reaguar sërish pas ndeshjes Elbasani-Turbina 3-1, sfidë të cilën librazhdasit e quajtën të manipuluar, duke deklaruar në një status më herët se skuadra cërrikase i hapi portën verdhebluve.
Përmes një postimi në faqen zyrtare, klubi i Sopotit tashmë kërkon edhe reagimin e Komisionit të Etikës për të hetuar sfidën e sotme mes Elbasanit dhe Turbinës, e vlefshme për javën e 21-të të Kategorisë së Parë në Grupin B.
Komisioni i Etikës është ngritur pikërisht për të hetuar ndeshjet e dyshuara si të manipuluara dhe vlerësimin, anëtarët e këtij komisioni e bëjnë duke u bazuar në pamjet filmike, aksionet e golave dhe sjelljen e futbollistëve në fushën e lojës.
Kujtojmë se ky Komision ka hetuar dhe më pas ka marrë masa ndëshkimore ndaj disa futbollistëve të kampionatit shqiptar, por kurrë më parë nuk ka marrë asnjë dënim ndaj ndonjë ekipi të caktuar.
[caption id="attachment_95640" align="alignnone" width="488"]
Postimi i klubit te Sopotit ne faqen zyrtare ne Facebook[/caption]
Lexo gjithashtu
