Lajmi i fundit/ Dy titullarë bardheblu me probleme, nuk luajnë ndaj Kukësit

Olsi Teqja dhe Reuben Akua nuk do të jenë të gatshëm për trajnerin Josa në sfidën kundër Kukësit që do të luhet në orën 17:00 në “Selman Stërmasi”.

Mbrojtësi i qendrës dhe mesfushori kanë ndjerë shqetësime shëndetësore dhe e kanë pasur të pamundur për të qenë në formë optimale për ndeshjen e parë çerekfinale të Kupës.

Bëhet fjalë për dëmtime muskulore që kanë pësuar Teqja dhe Akua, ndërsa këto dy mungesa i reduktojnë edhe më shumë zgjedhjet e trajnerit Josa, duke ditur dëmtimet e shumta që ka Tirana gjatë kësaj periudhe.