I ftuar në emisionin "Fair Play" është ish-trajneri i Vllaznisë, Kukësit dhe disa prej ekipeve të tjera të Superligës, Armando Cungu. Ish-tekniku i disa prej ekipeve të Superligës ka komentuar ecurinë e Kukësit në kampionat, dënimin që ka marrë Skënderbu dhe shumë detaje të tjera.
"I besoj shprehjes, se trimave i shkon edhe fati. Për Kukësin, mund të them se më duket një ekip më i ekuilibruar se më parë. Më duket edhe si një ekip që di të vuajë, siç ndodhi edhe sot ndaj Kamzës. Nuk është në momentin e saj më të mirë, por di të vuajë dhe të mbajë presionin e kundërshtarit, për të ruajtur portën të paprekur, apo edhe për të shënuar me goditje standarte. Në këtë pjesë të kampionatit, çdo pikë e marrë është me vlera. Jo vetëm Partizani, por edhe Laçi është afër. Mund të jetë afër edhe Luftëtari. Edhe Flamurtari ishte afër kësaj zone, por pati një rënie drastike. Janë 3-4 ekipe për zonën Euro. I them këto, duke mos llogaritur një dënim të Skënderbeut. Mendoj se dënimi i Skënderbeut nuk e kompromenton kampionatin, por mund të jetë një shans për një ekip tjetër për në Europë. Një vend mund të shkojë nga Kupa, dhe një tjetër mund të përfitojë nga dënimi i Skënderbeut, dhe mund të ketë një ekip tjetër. Çdo skuadër bën llogaritë dhe garën e vet", është shprehur Cungu në emisionin "Fair Play".
Lexo gjithashtu
