Futbolli në Shqipëri është ndalur për shkak të bojkotit të Ligës Profesioniste dhe presidentëve të klubeve që kanë vendosur të mos luhet deri në plotësimin e 4 kërkesave. I ftuar në emisionin "Rubrika Sportive, zyrtari i Federatës spanjolle të futbollit, Eduard Dervishaj u shpreh se Liga Profesioniste në Shqipëri është artificiale pasi në çdo vend të Europës, Liga është kundër Federatës.
"Liga Profesioniste në Shqipëri më duket artificiale pasi Ligat në Europë janë kundër Federatës. Liga jonë është e re dhe nuk do të bëhet asnjëherë e vjetër pasi nuk shikoj asnjë të ardhur që Liga të mbajë veten. Në vend të vogëla Liga nuk ekziston pasi nuk ka të ardhura pasi nuk siguron të ardhura.
Futbolli në Shqipëri ka nevojë për ndihmën e shtetit, por ne nuk mund t'I bëjmë presion Qeverisë dhe t'I kërkojmë lekë nga taksat e qytetarëve. Qeveria shqiptare ka bërë për futbollin dhe ka ndërtuar 4 stadiume. Nuk mundet që Liga t'I bëjë axhendën Qeverisë pasi futbolli ka nevojë për shtetin".
Lexo gjithashtu
