Florent Muslija është prurja më e re e kombëtares së Kosovës. Mesfushori ofensiv, i cili aktivizohet te skuadra gjermane, Hannover 96 ka zyrtarizuar vendimin për të qënë pjesë e kombëtares "Dardane" në grumbullimet e ardhshme.
Ndërkohë, në faqen zyrtare të klubit, Muslija ka zbuluar edhe arsyen e këtij vendimi, duke lënë Kombëtaren e Gjermanisë U-20 për Kosovën.
"Kontaktet mes nesh kanë vazhduar për një kohë të gjatë dhe interesimi për mua ishte i madh. Realisht kanë punuar shumë për të më marrë. Në fund, ishte një zgjedhje zemre duke qenë se prindërit e mi janë nga Kosova dhe rrënjët e mia janë në Kosovë. Mendoj se është zgjedhja e duhur për karrierën time me ekip kombëtar dhe gjithmonë kam pasur një ndjenjë të mirë për këtë", ka deklaruar Muslija.
20 vjeçari ka një kontratë që e lidh me Hannover deri në qershor 2022. Vlera e kartonit të tij vlerësohet me rreth 3 milionë euro dhe shihet si një futbollist me mjaft vlera që është ofruar në grupin që do të trajnohet nga trajneri i kombëtares, Bernand Challandes
Lexo gjithashtu
