Redon Ismaili do të jetë afrimi më i ri i Partizanit, pasi ka përfunduar bashkëpunimin me Gjilanin. Për këtë pritet vetëm që Gjilani të japë aprovimin pasi akoma posedon dokumentacionin e Ismailit.
Mesfushori 21-vjeçar konsiderohet lojtar i lirë në janar sepse ka përfunduar kontratën me Gjilanin dhe nuk ka preferuar rinovimin. Lojtari i përfaqësueses së Kosovës U-21, u aktivizua në 9 ndeshje si titullar këtë sezon dhe 9 të tjera nga zëvendësimi.
Ismaili mori minuta në çdo ndeshje, duke arritur dhe të asistojë 3 herë e japë 1 gol. Mesfushori ka qenë ndër talentet më të përfolur në Kosovë, teksa vlen për t’u theksuar se është pjesë e kontigjentit të përfaqësues U-21.
Sezonin e kaluar Gjilani preferoi ta huazojë te Vllaznia në Kosovë, për të pasur më shumë hapësirë. Ai është produkt i këtij klubi, ndërsa në shkurtin e vitit 2022 firmosi kontratën me ekipin e parë. Mbetet për t’u parë zyrtarizimi i këtij emri, ndërsa do ishte afrimi i parë te Partizani me Orges Shehin trajner.
Lexo gjithashtu
