Në kryeqytetin e Shqipërisë, në Tiranë do të zhvillohet këtë vit Kupa "Pavarësia", një aktivitet i përvitshëm mbarëkombëtar ky, që do të organizohet nga Federata Shqiptare e Futbollit.
Skuadrat pjesëmarrëse për këtë edicion të tetë do të jenë: “Otranto” e Ulqinit, “Shkëndija” e Tetovës, “Prishtina” dhe “Kukësi”.
Deri më tani janë përcaktuar shumë detaje për zhvillimin e kësaj kupe, si data kur do të grumbullohen ekipet, e cila do të jetë data 27 nëntor në Resortin “Tropikal” në Durrës, dhe më pas në mbrëmje do të hidhet dhe shorti i aktivitetit.
Gjysëmfinalet që do të fillojnë, më datë 28 nëntor në orën 11:00, ndërsa orari se kur do të luhet ndeshja finale është përcaktuar të jetë ora 12:30.
Janë të gjithë këto detajet që janë zbuluar deri më tani, por lidhur me stadiumin se ku do të zhvillohet ndeshja, ende nuk ka një vendim nga ana e organizatorëve të aktiviteti.
Mbas përmbylljes së këtij aktiviteti do të shpallet një fitues, të cilit do ti dorëzohet kupa. Do të shpërndahen medalje për dy finalistët , ndërsa do ketë dhe një trofe për skuadrën “Fair Play” dhe për lojtarin më të mirë të Kupës “Pavarësia”.
Lexo gjithashtu
