Kukësi ka vijuar përgatitjet për ndeshjen e radhës kundër Laçit, e vlefshme për javën e gjashtë të Superiores. Në periferi të Tiranës, gjithë lojtarët janë vendosur nën urdhrat e trajnerit Enkeleid Dobi.
Kjo sfidë do të zhvillohet të shtunën dhe pritet me mjaft interes nga gjithë sportdashësit. Daci ishte e vetmja mungesë për stafin teknik të verilindorëve, ndërsa ngarkesën e duhur e mori edhe Tiago Ferreira që për këtë takim pritet të jetë i gatshëm.
"Ekipi ka vijuar pasditen e sotme me përgatitjet për ndeshjen e radhës e cila luhet të shtunën ndaj Laçit. Përveç Dacit që u dëmtua në ndeshjen e Kupës ndaj Labërisë, pjesa tjetër e skuadrës ka qenë e plotë nën drejtimin e trajnerit Enkeleid Dobi.
I gatshëm për ndeshjen ndaj Laçit do të jetë edhe Tiago Ferreira i cili mungoi në ndeshjen e fundit në kampionat për shkak të kartonit të kuq që mori ndaj Teutës", shkruhej në faqen zyrtare të kuksianëve.
Lexo gjithashtu
