Gentian Mezani ka folur pas barazimit 0-0 në transfertë kundër Egnatias. Kjo sfidë e vlefshme për çerekfinalen e Kupës së Shqipërisë ka treguar ekipin e Laçit, që bëri relativisht mirë. Për mikrofonin e Oversport, tekniku i kurbinasve tha:
“Unë mendoj që kemi bërë një ndeshje të mirë, një ndeshje të luftuar. Mendoj se sot skuadra ka treguar më shumë agresivitet. Kjo tregon objektivin që ne kemi. I dhamë rëndësi të madhe kësaj sfide. Kjo është mënyra e duhur për skuadrën. Do mundohemi t’i marrim të mirat kësaj ndeshje. Do të përmirësojmë aty ku kemi probleme.
Shkurtaj? Ka luajtur në gjithë këtë periudhë. Ishte për t’i dhënë mundësi shlodhjeje. E vendosëm Guindon sepse më dha sinjale të mira kundër Erzenit. Mendoj se Guindo sot ka bërë mjaft mirë. Ne e presim, është diçka e mirë. Një arsye tjetër ishte që nuk e futa sepse i kisha kërkuar skuadrës që të luanim me topa të shkurtër. Guindo është disi më i shpejtë.
Loja? Mendoj që lojtarët e tepruan pak me topin sot. Por, në pushim ia kërkova që të ndaheshin më shpejt nga topi për t’i dhënë rrezikshmëri sulmit. Është mënyra e lojës së tyre, por duhet të përshtaten”, tha ai.
Lexo gjithashtu
