Kanë përfunduar ndeshjet e para gjysmëfinale në Kupën e Shqipërisë. Partizani hodhi një hap të sigurt drejt finales së madhe, pasi mundi Egnatian në transfertë me rezultatin minimal 0-1.
Goli i vetëm i takimit u shënua në fraksionin e dytë me anë të një penalltie nga Albers Keko.
Takimi tjetër, Vllaznia – Dinamo City, në “Loro Boriçi” u mbyll në barazim pa gola 0-0. Gjithçka mbetet e hapur për kualifikimin në të dyja përballjet, dhe ndeshjet e kthimit do të vendosin se cilat ekipe do të sigurojnë finalen e madhe.
Kujtojmë që ndeshja e kthimit mes Partizanit dhe Egnatias do të zhvillohet më 23 prill në stadiumin “Arena e Demave”, duke nisur nga ora 18:00. Po në të njëjtën datë dhe orë, do të luhet edhe sfida Dinamo – Vllaznia, në stadiumin “Elbasan Arena”.
